Traballamos a estatística

Como xa sabedes, nas últimas semanas do curso veremos o tema de estatística na materia de matemáticas. Entón, aprenderemos como facer un estudo estatístico a través dunha investicación real no centro.

Para levar a cabo un estudo estatístico debemos seguir os seguintes pasos:

1. Elaboración dunha enquisa

2. Realizaremos unha recollida de datos. Pasaremos a enquisa por outro curso do centro da seguinte forma:

1º ESO A realizará e pasará a enquisa para 2º ESO

1º ESO B realizará e pasará a enquisa para 3º ESO

1º ESO C realizará e pasará a ensquisa para 4º ESO

3. Organización, clasificación e reconto das respostas.

4. Elaboración de táboas cos resultados.

5. Confección de gráficos

A idea é que por grupos, elaboredes unha pregunta tipo test (unha ou dúas preguntas cada grupo con 3 ou 4 posibles respostas) e que entre toda a clase elaboremos unha enquisa de polo menos 8 preguntas en total.

A enquisa terá que estar relacionada co Plan Proxecta Naturézate e os contidos que aprendemos durante o curso. Desta maneira, investigaremos sobre hábitos ou costumes do resto do alumnado en canto ao coidado, o respecto e os coñecementos sobre a natureza.

Un exemplo de pregunta podería ser: 

Na túa casa reciclades os residuos?

a) Non, nunca

b) Si, pero so o papel ou o plástico

c) Si, sempre

Non serve copiar o exemplo!